Fero u arrestua nga policia, pasi në rrjet qarkulloi një video ku reperi shihej duke grushtuar një person në Gjilan. Gjykata Themelore e Gjilanit vendosi që Fero të qëndrojë një muaj në paraburgim nën akuzën “sulm”. Ndërkohë bashkëshortja e reperit, Arbenita nuk i ka ndalur postimet në Instagram dhe ndonëse shumica e postimeve të saj (për të mos thënë të gjitha postimet e fundit) kanë të bëjnë me punën e saj si modele, ndjekësit e kanë kryqëzuar me kritika. Pse?! Thjesht për faktin që Fero ndodhet në burg dhe Arbenita po poston. “Mos u reklamo shumë se e ke burrin në burg”, shkruan një komentues, ndërsa një tjetër komenton: “Burrin në burg ti këtu”. Vetë Arbenita nuk ka kthyer përgjigje dhe në fakt nuk ka pse të justifikohet. Puna është punë, me Feron në burg apo Feron në shtëpi!
View this post on Instagram
