Stili i gërshetave afrikane është kthyer në një nga trendet më të pëlqyera të këtij sezoni veror. I kemi parë tek shumë të famshëm shqiptarë për vite me radhë, por këtë herë Roza Lati ka vendosur që këtë trend ta sjellë në një mënyrë ndryshe nga ajo që jemi mësuar deri tani. Ndryshe nga koleget e saj, Roza ka guxuar akoma dhe më shumë duke luajtur me ngjyrën e flokëve, pasi tani ajo ka flokë me gërsheta të stilit afrikan në ngjyrë rozë dhe platin. “Meqë me gërshetat bezhë dhe kaf kam parë që është mbushur e gjithë Shqipëria, thash po guxoj aty ku s’guxojnë dot kaq kollaj”, ka shkruar moderatorja në një foto të publikuar në ‘Instastory’. Më pas ajo ka publikuar një tjetër video ku tregon qartë ngjyrën dhe flokët e gjatë, duke shkruar: “Roza Lati 667 (një hap para dreqit)”. Kjo nuk është hera e parë që ajo guxon me ‘look-un’ e saj, pasi qoftë në emisionet apo në jetën e përditshme, e kemi parë me modele dhe ngjyra flokësh të ndryshme, gjithmonë duke iu përshtatur trendeve./revistawho.com
