Reperi i njohur, Gjiko, ka zgjedhur ta urojë partneren e tij, Elitën, në një ditë speciale si kjo me fjalët më të veçanta që mund të keni dëgjuar ndonjëherë. Ai ka publikuar disa foto ku shihet pranë Elitës nën perëndimin e diellit, duke e puthur në ballë. “Urime ditëlindja gruaja ime, Shote Galica ime. Ty të kam sa një ushtri, nuk ka luftë që se fitojmë. Të dua”,- ka shkruar reperi në postimin e tij më të fundit në ‘Instagram’.
Menjëherë pas këtij momenti në llogarinë e Gjikos kanë mbërritur urime të ndryshme për të dhe familjen e tij, duke e komplimentuar gjithashtu dhe për sukseset në muzikë. Ndonëse sot Gjiko nuk ndodhet fizikisht pranë bashkëshortes së tij, për shkak të impenjimeve të tij në koncerte, ai është kujdesur t’i dedikojë asaj urimin më special që moderatorja mund të ketë marrë.
Kujtojmë se Elita feston sot ditëlindjen e saj të 26-të, e cila është më speciale se herët e tjera, për shkak se këtë vit ajo feston si nënë, pas ardhjes në jetë të vogëlushit të quajtur Zëri./revistawho.com
