Celine Dion është ikona e zgjedhur për kopertinën e revistës ‘Harper’s Bazaar’. Këngëtarja e njohur ka ndarë në rrjetet sociale disa foto nga seti fotografik i realizuar për revistën e njohur.
Ajo çfarë i ka habitur të gjithë ka qenë ‘look-u’ i ri me të cilin Celine është shfaqur. Në fotot e publikuara dallohet se Dion i ka flokët e shkurtra me baluke, megjithatë nuk dihet nëse është thjesht një paruke apo i ka prerë realisht ato.
Sido që të jetë 51-vjeçarja ka shkëlqyer me këtë pamje dhe të shumtë kanë qenë ata të cilët kanë komentuar se dëshirojnë të kenë të njëjtin model si ajo. Kujtojmë se Celine ka arritur gjithmonë ta surprizojë publikun me veshjen dhe stilin e saj. Disa muaj më parë ajo u shfaq në javën e modës në Paris me trupore dhe pa pantallona./revistawho.com
https://www.instagram.com/p/B0nuAihnDgU/
