Gazetarja britanike Katie Couric ka zbuluar bisedën që pati me Princeshën Diana vetëm një vit para se ajo të ndahej nga jeta, duke kujtuar se Princesha i kishte thënë se ajo po shkonte në një shtëpi të zbrazët, në kohën kur ishte duke u divorcuar nga Princ Charles.
Në një ese të botuar nga InStyle më 30 gusht, vetëm një ditë para 22-vjetorit të vdekjes së Dianës, gazetarja 62-vjeçare shpjegoi se ajo së pari u takua me Princeshën në një drekë në Chicikago, në qershor të vitit 1996, shkruan DailyMail.
“Isha nervoze kur takova Princeshën dhe u ula dy vende larg saj gjatë drekës. Biseduam dhe ajo më tha që i pëlqente buzëkuqi im rozë. Pastaj unë i thashë se duhet të ishte e lodhshme të udhëtoni dhe të takoni kaq shumë njerëz. Dhe e pyeta: A jeni e lumtur që po shkoni në shtëpi?”.
Ndërsa Princesha e Uellsit ju përgjigj: “Duhet të isha, por do të shkoj në një shtëpi të zbrazët”.
“Nuk do ta harroj kurrë përgjigjen e saj”, tha prezantuesja dhe gazetarja e njohur.
“Kjo ishte në kohën kur ajo po përfundonte divorcin e saj me Princin Charles dhe Diana dukej pak melankolike dhe e vetmuar. Unë u trishtova për të”, ka rrëfyer më tej Couric.
Diana dhe Charles, tani 70 vjeç, u martuan në Katedralen e Shën Palit në Londër në korrik të vitit 1981 dhe nga martesa e tyre kanë dy djem: Princin Ëilliam dhe Princin Harry. Ata u ndanë në vitin 1992,ndërsa divorci mes tyre përfundoi në gusht të vitit 1996, vetëm dy muaj pasi Couric u takua me Dianën në Chicikago./revistawho.com
