Mund të jeni duke bërë disa gabime gjatë natës që iu bëjnë të shtoni peshë:
Nuk flini sa duhet- Gjumi i paktë mund t’ju bëjë të shtoni peshë. Ky zakon, sipas një studimi të kryer nga disa studiues nga Universiteti i Teksasit, ngadalëson metabolizmin. Përveç kësaj, do t’iu bëjë më të uritur dhe do të rrisë sasinë e kortizolit që trupi është në gjendje të prodhojë. Të gjitha këtyre duhet t’i shtojmë se do të bëni më pak ushtrime fizike sepse do të ndiheni të lodhur. Pra, përpiquni të flini 7-8 orë në ditë.
Hani shumë në darkë- Nëse hani shumë në darkë do të shtoni peshë. Nëse hani rëndë në vaktin e fundit të ditës, tretja do të jetë më e ngadaltë. Përveç kësaj, darka duke parë televizor gjithashtu mund t’ju bëjë të hani më shumë, pasi nuk e kuptoni sasinë e ushqimit që hani.
Shkoni në shtrat menjëherë pas konsumimit të darkës- Të shkosh për të fjetur menjëherë pas darkës nuk është mirë. Pikërisht ky zakon do t’iu bëjë të grumbulloni më shumë yndyrë dhe do të bëjë që të mos tretni mirë ushqimin. Për këtë arsye rekomandohet të hani darkë një orë e gjysmë ose dy orë para gjumit. Nëse nuk mund ta bëni këtë, të paktën zgjidhni ushqime të lehta dhe lehtësisht të tretshme.
Zgjoheni në mes të natës dhe hani- Nëse keni ngrënë darkë në kohën e duhur, mos hani sërish më vonë. E vetmja gjë që fitoni me këtë është marrja e kalorive të panevojshme. Ju merrni energji shtesë që nuk do t’i konsumoni, gjë që mund të përkthehet në kilogramë shtesë.
Pini alkool ose kafe- Shmangni konsumimin e alkoolit ose kafesë sepse janë produkte që ndikojnë në gjumin tuaj dhe gjithashtu përmbajnë kalori. E vetmja gjë që do të arrini është të shtoni peshë. Në vend të kësaj, zgjidhni një gotë me ujë të ngrohtë ose qumësht.
Përdorni celularin në shtrat- Drita blu dhe valët e radiofrekuencës të emetuara nga celulari shqetësojnë gjumin. Është mirë që të mos e përdorni të paktën një orë para gjumit.
Flini shumë vonë- Gjumi pas orës 1 të mëngjesit të bën të shtosh peshë, meqenëse nuk është cikli natyral i trupit. Mundohuni të flini më herët.
