Nëse doni të shikoni një film dhe nuk po dini çfarë të zgjidhni ne ju kujtojmë ‘What Woman Want’ (Çfarë duan gratë). Një film i publikuar para më shumë se 20 vitesh, por njësoj i vlefshëm dhe argëtues edhe tani me mesazhin që përcjell. Protagonistë janë Mel Gibson dhe Helen Hunt. Ndërsa mesazhi që fshihet pas filmit (megjithëse ka nga ata që nuk e kuptojnë akoma) është: Bota e grave është më komplekse sesa duket. Jo gjithmonë veprimet tregojnë atë që ato mendojnë vërtetë dhe e kundërta.
Në qendër të historisë është një drejtues kompanie reklamash që mendon se vetëm një vajzë me bikini mund të shesë mirë. Ai nuk merr promovimin që donte, e si të mos mjaftonte kjo i vjen si shefe një grua. Çfarë ndodh më tej? Nick e ka shumë të vështirë të kuptojë gratë megjithëse përpiqet. Ai pëson një aksident nga i cili shpëton, por fiton edhe aftësinë për të lexuar mendjen e grave dhe vajzave. Kaq mjafton për të kuptuar sa interesant ëhstë ky film. Çfarë zbulon Nick nga mendimet që lexon? Si mendojnë graët? Çfarë ndodh në botën e tyre? Përgjigjet i gjeni vetëm duke e parë.
