Në episodin e mbrëmshëm të “Big Brother Albania VIP 4,” Prime, opinionistja Neda Balluku kritikoi ashpër veprimet e Rozana Radit, duke shkaktuar një përplasje mes tyre.
Rozana, e cila e perceptoi kritikën si një sulm personal, iu përgjigj Nedës duke kujtuar një incident të ndodhur 15 vite më parë, kur Neda ishte pjesëmarrëse në “Big Brother.” Sipas Rozanës, ajo e kishte komentuar negativisht në atë kohë, dhe mendon se tashmë Neda po hakmerret.
Në deklaratën e saj, Rozana tha:
“Kur ka qenë Neda në Big Brother para shumë vitesh kam bërë statuse në Facebook dhe kur ka dalë ka thënë ‘Më ka rënë Rozana.’ Tani i ka rënë guri në dorë.”
Debati vazhdoi në studio, ku Rozana insinuoi se opinionistja po ndikohet nga e kaluara për të qenë kritike ndaj saj. Nga ana tjetër, Neda, që në fillim të edicionit pas hyrjes së Rozanës në shtëpi, kishte deklaruar se disa personazhe që hyjnë në spektakël, ndonëse kanë gjithçka, rrezikojnë të humbin më shumë.
Ky debat mes dy personazheve nisi kur Rozana nuk pranoi kritikat e Nedës për sjelljen e saj në lojë.
“E di që ke inate të vjetra me mua por mundohu të jesh më racionale dhe më e ftohtë në gjykimet e tua. Në këtë lojë, je ose trajner ose arbitër. Ti cili je? Unë të kam vendosur në stol rezervë. Por po të dua edhe ty të bëj lojtare, edhe ty të jap vëmendje” është shprehur Rozana.
