Që të flini të qeta sonte vajza. Emina Çunmulaj është modele. Pjesa tjetër janë të njohura, të famshme, figurante, të bukura, prostituta, pseudomodele, fotomodele, miss-e e gjithçka tjetër, por jo MODELE. Fati i keq e do që vetëm në hapësirën shqipfolëse të ketë modele nga 155 cm të gjata. Fati i keq e do që nëse ke vajza me gjoks imponues me forma sexy dhe me mbi 3000 ndjekës në instagram, me siguri do gjesh portale apo media që i referohen si modele. Sigurisht që ka dhe përjashtime me emra sporadikë që realisht janë profesioniste të fushës së modës, por edhe ato vajza e kanë të vështirë të kenë një karrierë. Për një arsye të thjeshtë. Ne, si fillim nuk kemi industri mode. Tek tuk ndonjë shtëpi mode dhe ca kasolle mode. Një industri tjetër që çalon shumë është ajo e reklamave dhe nuk krijon kërkesë për vajza me standarte profesionale bukurie apo ecje a qëndrimi. Tani ma shpjegoni pak si mund të kemi 10000 modele për 6 sfilata në vit? Një event që do duhej të shfaqte gjithë skuderinë tonë të modeleve peofesioniste do duhej të ishte “Java e Modës”, por duke qënë shtet banal kemi 3 javë të ndryshme mode të organizuara nga 3 grupe të ndryshme “rrobaqepësish” dhe po ato 10 goca që mund të pretendojnë të quhen profesioniste. Pastaj vjen dhe një kategori që unë e kam shumë përzemër për t’i gjykuar. Janë ato të pamoralshmet që kërkojnë të dashur me para apo akoma më keq ato që janë në kërkim të klientëve. Dhe për këtë janë në mënyrë të pakufijshme gati për çdo gjë. Dhe vijmë këtu te thelbi i problemit që prekem në fillim. Gadishmëria po aq idiote e mediave për të mos pasur filtra ndaj këtyre personazheve. Modeli i keq që i ofrohet shoqërisë dhe akoma më e frikshme, shembulli skandaloz që i jepet vajzave të vogla. Ndaj, nëse vërtë doni të jeni modele, studioni për modele, mos u spërdridhni si zuska se në vend të ofertave për sfilata vijnë ofertat për netë të nxehta, të dyja kundrejt pagesës. Por te njëra do lodheni nga takat, te tjetra do lodheni nga përdhunimi.
Sqarim: Gjithçka shkruhet më sipër, është qëndrim personal i gazetarit Flavio Qarri.
