Deklaratat e fundit të Shakira-s për divorcin e saj nga Gerard Pique, e kanë shqetësuar mbrojtësin e Barcelonës. Shakira dha së fundmi një intervistë ekskluzive për revistën ELLE në të cilën foli se si po e përballon ndarjen e saj nga Pique duke e quajtur “periudhën më të errët të jetës së saj”. Sipas La Vanguardia, intervista e saj nuk i ka pëlqyer aspak mirë futbollistit, i cili është mërzitur me ish-partneren e tij. Gjatë gjithë intervistës, Shakira përmend në mënyrë të veçantë ngacmimet e shtypit në Barcelonë, duke ndikuar në dëshirën e saj për t’u transferuar në Miami. Pique konsideron se pretendime të tilla janë hakmarrje dhe beson se Shakira po luan rolin e viktimës.
“Mund të them se kam vendosur gjithçka që kam në këtë marrëdhënie dhe në familjen time”, tha ajo për ELLE. “Gerard si futbollist donte të luante futboll dhe të fitonte tituj dhe unë duhej ta mbështesja. Unë e vura karrierën time mënjanë dhe erdha në Spanjë, që ai të luante futboll dhe të fitonte tituj. Ishte një akt dashurie. Falë kësaj, fëmijët e mi mundën të kishin një nënë të pranishme dhe sot kam këtë lidhje të pabesueshme me ta që është e pathyeshme dhe që na mban”, tha Shakira.
Pique është mërzitur nga këto deklarata dhe beson se ajo ka për qëllim të viktimizojë situatën. Njerëz pranë Pique thonë se ai gjen kohë për fëmijët ashtu si dhe Shakira.
“I çon fëmijët në shkollë, në aktivitete jashtëshkollore, në udhëtime dhe e kalon gjithë kohën me ta kur nuk punon”, thonë të afërmit e tij. Mësohet se Pique është e tërbuar që Shakira e përkufizon veten si ajo që merr kohë nga karriera për t’u kujdesur për fëmijët e saj me qëllim që të “bëhet shembull” për ta.
