Teksa ne po mendojmë ç’rroba do veshim tani që po vjen vera, gocat tona të showbizit na kthejnë në dimër! Po, po, e dimë që prisni foto me rrobabanjo e fustane pranverore, por prisni sepse dimri nuk ka ndërmend të largohet kollaj nga bota e modës. Sidomos këto dorezat ngjyrë rozë e ndezur që po bëjnë namin kohët e fundit. Nëse nuk ia keni parë Lorit, e cila i veshi e para, do ja keni parë Kim Kardashianit, nëse jo Kimit, ja ku keni dhe Kiara Titon e Dua Lipan që i kanë veshur së fundmi. E bukura është se secila i ka kombinuar ndryshe: Lori me xhinse, Kimi me pantallona në të njëjtën ngjyrë, Dua me body dhe Kiara me pantallona me xixa. Nuk e dimë për ju, por ne na pëlqejnë, vetëm se kanë një problem: Të plasin vape!
