Të gjithëve na shkaktoi dhimbje humbja e një djali të ri, e një artisti të madh. E gjithë Shqipëria atë ditë u trishtua për ikjen e Ergit. Sot kanë kaluar 2 muaj që kur Ergi nuk është më e dhimbja në familjen e tij është njësoj, po aq e madhe, ndoshta dhe më e fortë për shkak të mallit. Kjo kuptohet teksa lexon vargjet babait të artistit. Gazetari Dashamir Dini ka shkruar një elegji për të birin, vargje malli e lotësh.
POEZIA E PLOTE
“ELEGJI PËR TIM BIR.
ERGIT
Në torten e ditëlindjes
nena i shkruajti lutje Zotit,
edhe per 100 vite te tjera per Ty,Bir…
…por yjet
lindkan
për te ndriçuar qiejte.
Ç’t’i them kitarres tënde
me tela ylberesh,
qe pret gishtat prej flladi
per ta perkedhelur me dashuri tingujsh?!
Ç’t’i them heshtjes,
që pret te zgjohet
me magjija e zërit tënd?!
Ne dhomen ku flije TI,me endrrat,
hidherimi
përgjak këmbët
duke shkelur
mbi copat e thyera te zemrave tona.
…oh sa te ngjet dielli,Biri im!
Dikur,
nuk besoja në krijesat e shënjta!
…se ende nuk të njihja Ty.”
/revistawho.com/
