“Pokemon Go”, një drogë e mendjes

Në fund të emisionit radiofonik “Summer Time” flitet për lojën elektronike “Pokemon Go” e cila për shumë njerëz mbarë botës po shndërrohet në një sëmundje mendore. Njerëz të ndryshëm kanë vënë jetën e tyre në rrezik vetëm për të kapur një “Pokemon”. Një djalë nga Guatemala ka hyrë pa leje në një shtëpi për të kapur një “Pokemon”. ku më pas është qëlluar me armë nga i zoti i shtëpisë. Incidente automobilistike kanë ndodhur ku fëmijë, adoleshentë dhe të rritur kanë humbur jetën duke luajtur në rrugë për të kapur krijesa të ndryshme. Rasti i fundit bën fjalë për një djalë i cili luan “Pokemon” në një koncert të Beyonce dhe këto raste vërtetojnë se kjo lojë është shndërruar në një drogë të mendjes. Fillimisht loja u krijua për të gjithë ata që ndjejnë mall për seritë vizatimore të “Pokemon” por askush nuk e kishte parashikuar se kjo lojë e frymëzuar nga vitet ’90 do të shndërrohej në rrezik për jetën apo thyerjen e ligjeve.