Poni ka mbi një dekadë që është pjesë e tregut muzikor shqiptar dhe në çdo kohë ajo është shfaqur me një pamje shumë të kuruar. Ajo ishte ndër të parat që solli një stil ndryshe në muzikën popullore dhe prandaj arriti të identifikohet menjëherë nga publiku. Siç duket këtë stil të veçantë në muzikë e pamje e ka pasur që në adoleshencë, në kohën kur ende nuk ishte e njohur për publikun shqiptar. Ditën e sotme këngëtarja është bërë nostalgjike, duke u kthyer shumë pas në kohë, kur ishte maturante. Poni ka postuar në ‘Instagram’ një foto kur ka qenë 18 vjeçe dhe pavarësisht viteve që kanë kaluar duket se nuk ka ndryshuar thuajse asgjë nga tiparet e saj. Edhe asokohe duket se këngëtarja i ka kushtuar shumë rëndësi kurimit të pamjes duke ndjekur trendet më të fundit të bukurisë. “Flokët bishtpëllumb. 18 vjeçe”, ka shkruar Poni bashkangjitur fotos.
Ndërsa përmes një tjetre ku shfaqet përkrah dy miqve të saj, këngëtarja ka treguar se gjithmonë mbante me vete një laps në ngjyrë kafe për konturin e buzëve.
Pas publikimit të fotove Poni ka marrë mjaft komente pozitive nga fansat e saj, të cilët shprehen se edhe sot është po aq e bukur dhe e freskët sa në atë kohë. /revistawho.com
