Si këngëtare e muzikës popullore, Poni është vazhdimisht e angazhuar me punë nëpër koncerte në vende të ndryshme të botës. Për shkak se ajo qëndron për shumë ditë larg shtëpisë, i duhet që edhe me djalin e saj, Frenk, të kalojë pak kohë. Rikthimet në shtëpi gjithmonë i pret me padurim, por duket se këtë herë ka qenë më emocionues se asnjëherë. 8 marsin Poni e kaloi duke kënduar, megjithatë vogëlushi i saj duket se nuk e ka lënë pa një dhuratë. Pasi u rikthye nga koncertet e saj, Poni ka gjetur një dhuratë shumë të veçantë në shtëpi për 8 marsin. Frenk kishte përgatitur vetë një vazo lule me letra, në të cilën shkruhej: “Mami të dua! Gëzuar ditën e nënave! Nga Frenk”.
Poni duket se është prekur vërtet nga kjo surprizë e këndshme dhe nuk është menduar dy herë ta ndajë me të tjerët në ‘Instagram’. Kujtojmë se Frenk është djali i vetëm i këngëtares së njohur. /revistawho.com
