Poni është një nga këngëtaret më të dashura të showbiz-it shqiptar, kjo për shkak të projekteve muzikore tepër të pëlqyera që ajo ka sjellë ndër vite. Së fundmi ajo ka ndarë në ‘Instagram’ një pyetje të cilën duket se e ka hasur shpesh këto kohë. Fansat janë kuriozë nëse Poni do të sjellë muzikë të re për ndjekësit e saj.
Ajo ka pohuar se prej shumë kohësh ka marrë mesazhe të tilla, por ka menduar t’i rezervojë një surprizë më të bukur fansave duke thënë: “Ka çdo ditë pyetje të tilla dhe ju falënderoj shumë, por mungesa e gjatë ka qenë sepse doja të kisha një album me disa këngë të reja dhe jo vetëm një këngë apo klip të ri. Shihemi së shpejti të dashur miq dhe dashamirës të këngës sime”.
Mesa duket 36-vjeçarja ka menduar se një album i ri do ta sillte më pranë gjithë adhuruesëve të muzikës së saj të cilët prej kohësh presin projekte muzikore nga Poni./revistawho.com
