Pas lajmit se moderatorja Eneda Tarifa nuk do të ishte më pjesë e Portokallisë, të shumta qenë aludimet edhe për ndryshyshime të tjera, që me sa duket, nuk paskan mbaruar për sezonin e ri. Vetë Tarifa, pasi u pyet për Who nëse Xhemi dhe Salsano do të vazhdojnë, konfirmoi pjesëmarrjen e dyshes duke thënë se ata të dy do të vijonin. Por sapo është publikuar spoti për fillimin e spektaklit të humorit në sezonin e ri më 2 tetor, në video bie në sy mungesa e aktorit dhe moderatorit të spektaklit, Salsano Rrapi.
Ndoshta ky mund të jetë një truk i organizatorëve, por dyshimet shtohen pasi mungesa e Salsanos është vënë re edhe në fotot e provave që shumë prej artistëve të Portokallisë kanë postuar gjatë këtyre ditëve në prova.
Nëse ky ndryshim është i minutës së fundit apo Salsano do të vazhdojë të jetë pjesë e trupës, kjo mbetet për t’u parë të dielën./RevistaClass
