Post Malone u rrëzua aq keq gjatë koncertit, sa përfundoi në spital!

Post Malone pësoi një incidentit gjatë koncertit të tij në St.Louis. Teksa po këndonte “Circles”, Malone, 27 vjeç, po ecte në skenë kur shkeli në një vrimë ku supozohej të vendoste kitarën e tij. Ai ra në dysheme duke përplasur fytyrën dhe të gjithë trupin në tokë. Reperi u përkul nga dhimbja dhe bërtiti ndërsa vazhdonte të qëndronte i shtrirë në tokë. Mjekët dhe rojet e sigurisë nxituan, ndërsa turma thërriste emrin e tij. Pak minuta më vonë, këngëtari arriti të ngrihet dhe të largohet nga skena. Një ditë më pas Malone ka falenderuar fansat për durimin e tyre dhe tregoi se kishte përfunduar në spital, por tani është mirë. “Sapo u kthyem nga spitali dhe gjithçka është mirë. Më dhanë disa ilaçe kundër dhimbjeve dhe kështu që ne mund të vazhdojmë të kënaqemi në turne.”