Fansat e influencueses së famshme, Gabbie Hanna thirrën policinë për një kontroll të shëndetit të saj mendor pasi ajo postoi më shumë se 100 video ndërsa ajo qante, bërtiste dhe qeshte duke pretenduar se “Zoti i dha asaj përgjigjet” për të ndihmuar botën.
Gabbie, e cila e referoi veten në internet si “Mbretëresha e Traumës”, shkaktoi shqetësim për 7.4 milionë ndjekësit e saj, pasi ajo nisi të postonte video jashtë përmbajtjes së saj të përditshme.
Hanna ka qenë e hapur me ndjekësit në lidhje me betejat e saj me shëndetin mendor dhe depresionin dhe ka folur shpesh për këto probleme.
Fansat janë shqetësuar menjëherë pasi videot vërshuan në “ TikTok” teksa influencuesja dëgjohej të thoshte: “Dikush sapo hyri në shtëpinë time, ju lutem, ju lutem vetëm lutuni për mua – për çdo rast.”
