Ish-asistentja e Kanye West, Lauren Pisciotta, pre whytendon në një padi tronditëse se ajo është droguar dhe abuzuar seksualisht gjatë një takimi me ish-shefin e saj dhe Sean “Diddy” Combs.
Modelja pretendon se gjatë një sesioni në studio në Santa Monica, Kaliforni, asaj iu dha një pije “e përzier me një drogë të paidentifikuar”.
Ajo pretendon se West, 47 vjeç, ishte ai që porositi pijen. Ndërsa Combs, 54 vjeç, u përfshi në padi si bashkë organizues i sesionit, ai nuk u akuzua për ndonjë veprim të gabuar.
Sipas ankesës së paraqitur më 8 tetor në Gjykatën e Lartë të Los Anxhelosit, Pisciotta shton se pas konsumimit të pijes, ajo u ndje “e hutuar” dhe “pa kontroll mbi trupin e saj”.
Të nesërmen në mëngjes, ajo pretendon se ndihej e sëmurë dhe ndiente “një turp të madh”, por nuk ishte e qartë për të gjitha detajet.
Pisciotta, pretendon se e mësoi se çfarë kishte ndodhur atë natë “shumë më vonë”. Ajo pohon se themeluesi i Yeezy i kishte rrëfyer se ata “kishin bërë diçka atë natë,” duke iu referuar natës kur ajo pretendon se ishte droguar.
Ish-asistentja u ndje “e neveritur dhe e mpirë” nga zbulimi i pretenduar i West dhe vendosi se duhej të largohej nga puna për reperin.
Pisciotta u pushua pak më pas. Ajo pretendon gjithashu në padinë e saj se nuk i janë paguar 3 milionë dollarë në formë dëmshpërblimi, të cilat thuhet se i detyroheshin.
