Florian Agalliu është i njohur si moderator dhe si një nga meshkujt më simpatikë të ekranit, por për ata që e ndjekin edhe në rrjete sociale është më shumë se kaq. Një nga gjërat më të veçanta që vihet re tek ai është fakti që i përkushtohet maksimalisht së bijës. Floriani është baba vetëm i një vajze, por e gjithë vëmendja e tij rrotullohet tek ajo.
Mia ditën e sotme ka pasur një rast shumë të rëndësishëm. Pas përfundimit me sukses të klasës së parë është organizuar edhe ‘Festa e Abetares’, një nga ngjarjet më të rëndësishme në jetën e një fëmije.
Babi Floriani ka qenë pranë saj në çdo moment dhe ka arritur të shkrepë disa foto shumë të bukura të vajzës. Këto momente i ka ndarë me ndjekësit, pa i komentuar. Me siguri lumturia dhe krenaria e tij si prind ka qenë shumë e madhe dhe kjo gjë nuk ka nevojë për fjalë. /revistawho.com
