“Prano Veten”, iniciativa e fotografes së njohur Anjeza Dyrmishi, ka bërë të pozojnë përpara aparatit shumë influencuese të rëndësishme në Shqipëri. Kushtuar çdo vajze, gruaje, të bukur në mosperfeksionin e saj, kjo kauzë synon të rrisë vetëbesimin tek çdo femër.
Disa kilogramë më tepër apo më pak nga masa standarte të cilën ta tregon peshorja elektronike, disa strija të shfaqura për shkak të ndryshimeve të shumta që ndodhin në trupin e femrës në periudha kohore të ndryshme, një gjoks i madh apo i vogël, disa këmbë të kolme ose jo nuk bëjnë asnjë individ të duket më pak i bukur nga ç’është në të vërtetë në përditshmërinë e zakonshme ku ngarkesa e bën të nxitojë për të kapur çdo orar të angazhimeve të përditshme.
Nisma ‘Prano Veten’ synon që të gjithë njerëzit të përqafojnë veten e tyre pa u përpjekur për të ndryshuar dhe të bërit atë domosdoshmërisht perfekte. Disa nga emrat më të njohur të blogger-eve të cilat kanë marrë pjesë në këtë projekt janë Estela Ujka, Sara Kolami, Sarah Berisha, Stela Sallaku, Sara Karaj, Odeta Banushaj e shumë e shumë të tjera. Të gjitha këto vajza mbështesin një ide të vetme, se e bukura fshihet pikërisht tek imperfeksionet të cilët të gjithë tentojnë t’i fshehin. Filtrat nuk mund të gënjejnë askënd, madje as veten tënde.
Prano Veten dhe përqafoji të gjithë të tjerët ashtu siç nëna natyrë i ka krijuar për një arsye ose një tjetër. Çdo shenjë në trupin tuaj është një tregues se keni jetuar dhe se keni çfarë të tregoni./revistawho.com
