Lorik Cana dhe bashkëshortja e tij Monika janë padyshim një nga çiftet më simpatikë të ekranit. Ata janë shumicën e kohës përkrah njëri-tjetrit dhe jo rrallëherë zgjedhin të arratisen bashkë me djalin e tyre ose miq e të afërm drejt destinacioneve të ndryshme turistike jashtë Shqipërisë.
Monika ndryshe nga Loriku publikon më shpesh foto të të dyve ose momente argëtuese krah familjes së saj. Edhe ditën e sotme, ajo ka zgjedhur të ndajë me ndjekësit në ‘Instagram’ një grup fotosh që tregon gjithçka ndodh kur i kërkon Lorikut një foto. Ata shfaqen të përqafuar dhe si çdo vajzë tjetër, Monika përfiton nga ky rast për të bërë një foto me bashkëshortin. Reagimi i tij është disi i parashikueshëm, pasi nuk pranon dhe gjërat nisin të vështirësohen. Fotot në vazhdim tregojnë reagimin e tij deri në fund, kur Monika përfundon e hedhur në mes të detit. “Do një foto tjetër?”,-është fraza që mbyll të gjitha përpjekjet për të shkrepur një foto të bukur.
Me siguri një pjesë e mirë e atyre që i kanë parë këto foto kanë qeshur dhe kushedi sa të tjerë e kanë mirëkuptuar gjithçka ka ndodhur. Prapaskenat e një fotoje të një çifti publik siç mund të kuptohet nuk janë aq ‘të bukura’ sa mendonit. / revistawho.com
