Prapë telashe për Justin, këngëtari sulmohet nga një fans pasi refuzon të këndojë “Despacito”

Justin Bieber është një nga këngëtarët më të përfolur të momentit, por që njihet gjithashtu për sjelljen e tij të vrazhdë ndaj fansave. Konflikti i rradhës për Bieber ndodhi gjatë performimit të tij në Festivalin Summerbust në Stockholm të Suedisë. Fansat i kanë kërkuar të performojë hitin botëror “Despacito” ku disa muaj më parë Bieber nxorri një version të ri të asaj kënge që theu rekordet e shikueshmërisë. Por përgjigjia e tij ishte jashtë çdo parashikimi. “Nuk di ta këndoj, nuk dua ta këndoj” ishin pikërisht fjalët që Justin iu drejtoi fansave. Një adhurues i revoltuar u përpoq ta godiste atë me një shishe ujë, por për fat të mirë nuk ja arriti. Megjithatë reagimi i këngëtarit ishte me të vertetë i papritur. Me qetësi ai i kërkoi që mos të hidhte më gjëra ndaj tij. Duket se telashet për këngëtarin nuk paskan fund./revistawho.com