Aktori turk Ufuk Bayraktar është bërë i njohur për publikun shqiptar pas rolit të suksesshëm të ‘Ramiz Karaeski’, kur ishte i ri në serialin ‘Ezel’. Aktualisht aktori po kalon një periudhë të vështirë të jetës së tij, pasi është dënuar nga autoritetet turke për 6 muaj heqje lirie.
Megjithatë ai është përpjekur që këtë kohë qëndrimi në izolim ta shfrytëzojë më së miri duke punuar për shkrimin e një filmi të ri. Në një deklaratë të dhënë së fundmi, vëllai i aktorit ka treguar se rolin kryesor ‘Ramiz’ dëshiron ta luajë vetë.
“Ufuk do të lirohet me 3 ose 5 mars. Temën kryesore të filmit e ka shkruar në burg dhe na e ka dhënë. Ne po përpiqemi të përfundojmë skenarin. Dëshirojmë që hapjen e filmit ta bëjmë me pamjet e daljes së tij nga burgu. Për marrjen e lejeve të nevojshme jemi në komunikim të vazhdueshëm me ministritë”,- shprehet ai.
Ufuk u dënua me këtë masë ndëshkuese pasi gjatë kontrollit të policisë pas një zënke në Stamboll, iu gjet një armë pa leje./revistawho.com
