Ledina Çelo prej më shumë se një dekade është zhvendosur nga Shqipëria në Gjermani dhe aty ka ndërtuar jetën e saj familjare. Ajo është e martuar me ish-boksierin Naim Kabashi dhe së bashku kanë dy fëmijë, Perianën dhe Erlisin.
Së fundmi, Ledina dhe familja e saj ndodhen në Tiranë për të kaluar disa ditë pushimi. Ditën e djeshme këngëtarja ishte e ftuar në emisionin “Në kurthin e Piter Pan” dhe për të pati pyetje nga më të ndryshmet nga fëmijët. Njëri prej tyre e pyeti se ku i gjente lekët që bënte aq shumë pushime. Ledina nuk nguroi aspak të tregonte se në Gjermani ajo ka një kompani private me bashkëshoritin e saj dhe aty kanë 500 punonjës. “Unë merrem me financat dhe vetëm dy herë në vit kemi pushime”, – ka thënë Ledina, duke shuar kureshtjen e të gjithëve se çfarë pune bën tani në Gjermani. /revistawho.com
