Këngëtarja e njohur shqiptare, Mariza Ikonomi, ka ndarë me ndjekësit një çast të veçantë nga përditshmëria e saj si nënë, duke emocionuar të gjithë ata që e ndjekin në rrjetet sociale.
Në një fotografi të publikuar së fundmi, ajo shihet me vajzën e saj të vogël, Melody, në krahë – një imazh plot dashuri dhe ngrohtësi. Melody, e cila ka ardhur në jetë dy vite më parë, është kthyer në zemrën e universin e Marizës, dhe ky postim e tregon më së miri këtë lidhje të fortë nënë-bijë.
Përshkrimi që e shoqëron foton ishte një përzierje perfekte ndjeshmërie dhe humori, siç di ta sjellë vetëm Mariza:
“Kam gjithë botën në duart e mia… po edhe një kafe të ma sillnin tani s’do ishte keq, se vdiqa.”
Kjo fjali, me një realizëm që të bën të buzëqeshësh, është ndoshta përshkrimi më i saktë i jetës së shumë nënave – të mbushura me dashuri për fëmijët e tyre, por shpesh me shumë pak kohë për veten.
