Sabri Fejzullahu, këngëtari që për më shumë se gjysmëshekulli ka dhuruar këngë të mrekullueshme për publikun shqiptar, është dekoruar ditën e sotme nga Presidenti Hashim Thaçi në një ceremoni speciale. Lajmin e ka bërë të ditur vetë kreu i shtetit në një postim të pak orëve më parë.
“Me Medaljen Presidenciale të Meritave, sot e dekorova një prej këngëtarëve më të pëlqyer të publikut tonë për më shumë se gjysmëshekulli. Gati tërë jetën e tij Sabriu na ka argëtuar me këngën dhe humorin e tij. Na ka treguar bukuritë e jetës, por edhe na ka bërë të mendojmë për detyrat dhe obligimet për shoqërinë tonë”,-ka shkruar ai krahas fotove.
Këngëtari e ka merituar padyshim këtë nder, pasi është një nga figurat më të dashura televizive nga të gjitha grupmoshat për pozitivitetin dhe humorin e sinqertë që e karakterizon. Sabri Fejzullahu ka realizuar muzikë shumë të bukur për shumë vite dhe tashmë në hapat e tij është edhe i biri./revistawho.com
