Në fund të vitit 2018 moderatorja e njohur shqiptare, Ermira Çausholli, zbuloi se do të bëhej nënë për herë të katërt. Familjes së saj do t’i bashkohet së shpejti një tjetër vajzë, nje bekim i madh për jetën e tyre. Duke qenë se Ermira nuk kishte organizuar ende një “baby shower” për fëmijën, këtë gjë e kishte menduar familja e saj.
Bashkëshorti bashkë me dy vajzat kishin mbledhur njerëzit e afërt për t’i bërë këtë dhuratë të bukur moderatores. I gjithë vendi ishte i zbukuruar me ngjyrë rozë dhe floriri, tipik për një “baby shower” vajzash. Surpriza u transmetua gjatë emisionit “Familja” në televizionin “Klan” dhe as përpara kamerave Ermira nuk mundi t’i përmbante emocionet. Sapo zbuloi surprizën ajo shpërtheu në të qara dhe tregoi se as që ja kishte idenë për atë që kishin përgatitur familjarët e saj. Kujtojmë se Ermira Çausholli u bë shumë e njohur me ciklin e emisioneve “Histori Dashurie”, që preku gjithë zemrat e publikut shqiptar.
