Të gjithë jemi dashuruar me portretin e Artenisa Ozaj, qëkur ajo ishte fare e vogël dhe drejtonte një program për fëmijë në ekranin e parë privat në Shqipëri, “Shijak Tv”. Vite më vonë kur ajo u shfaq si prezantuese krah Ardit Gjebreas në spektaklin e fundjavës “E Diela Shqiptare”, simpatia e publikut për të qëndroi e njëjti. Por edhe sot, kur Artenisa ka disa vite që është shkëputur nga ekrani për t’iu kushtuar biznesit, kërshëria për të vijon të mbetet e njëjtë. Lajmi se ajo u bë nënë pati një shpërndarje të gjerë në rrjet dhe sot “revistawho.com” sjell imazhet e të voglës Abigeil, tani që është gjashtë muajshe. Fotot janë realizuar në studion e “Hera Company” nga Rezarta Shkurta. Tani na thoni, a nuk do të bëhet Abigeil një yll i bukur kur të rritet, sepse ne mendojmë që ajo i ka të gjitha tiparet si të piktuara… Ah që ta shpëtojmë vajzën nga syri, e dini vetë çfarë duhet të bëni.
