Princ Harry ka hapur për herë të parë zemrën publikisht dhe ka folur rreth humbjes së nënës së tij, Lady Di, e cila vdiq në një aksident automobilistik në Paris të vitit 1997. Madje ai ka shprehur pendesën që nuk ka folur më parë rreth kësaj humbjeje.
Princi 31 vjeçar foli rreth kësaj teme, gjatë një eventi në pallatin Kensington, në Londër.
”Unë me të vërtet pendohem që nuk kam folur në lidhje me këtë temë gjatë 28 viteve të jetës sime” – i ka thënë Princi, futbollistit Rio Ferdinand, lidhur me vdekjen e nënës së tij, në një video të BBC transmetuar gjatë eventit.
Biseda mes të dyve vazhdoi më tej kur Ferdinand-i, gruaja e të cilit vdiq nga kanceri një vit më parë, i kërkoi Harry-it të fliste me tre fëmijët e tij, rreth dhimbjes që ata përjetuan.
Harry është shprehur se dëshiron ta bëjë krenare nënën e tij të humbur. ”Kur ajo vdiq, la një boshllëk të madh, jo vetëm te ne, por edhe shumë njerëz në botë”
