Princ Harry është testuar “live” në Facebook për virusin HIV. Harry është shprehur se ndihej nervoz në momentin që po priste që infermjerët t’i merrnin gjakun në gisht teksa ndodhej në “Guys and St. Thomas’ Hospital” në Londër.
“Pavarësisht pozitës sime dhe njerëzve që rrethohem, përsëri jam nervoz”, ka thënë Harry. Ndërkohë që drejtoi dorën për të bërë analizën, ai me shaka ka thënë:”E çuditshme, nuk të dhemb fare”.
Pasi i morën gjakun, ai është ulur dhe me qetësi ka pritur përgjigjen, e cila ka dale vetëm pas disa sekondash dhe rezultati ishte negativ. Ky testim është bërë për të ndërgjegjësuar sa më shumë qytetarët që ta kryejnë këtë test.
