Nipërit e mbretëreshës, duke përfshirë William dhe Harry-n, kanë qëndruar rreth arkivolit të saj këtë mbrëmje, ndërsa arkëmorti i saj ndodhet në Westminster Hall. Të premten në mbrëmje, fëmijët e Elisabeth II, përfshirë edhe mbretin Charles III qëndruan për rreth 10 minuta.
Teksa largoheshin nga salla, publiku i duartrokiti. Ndërsa vizita e nipërve ka zgjatur rreth 15 minuta.
Dy djemtë e mbretit ishin bashkë me Peter Phillips, Zara Tindall, Beatrice dhe Eugenie, Lady Louise Windsor dhe James, Viscount Severn.
Princi Harry nuk është parë me uniformë ushtarake që kur u tërhoq nga detyrat e tij mbretërore në vitin 2020.
Ai shërbeu në Afganistan si pjesë e Ushtrisë. Tashmë ai tani jeton në Kaliforni me gruan e tij Meghan dhe dy fëmijët e tyre.
Princi Andrew gjithashtu u lejua të vishte uniformën e tij ushtarake ndërsa qëndronte të premten.
62-vjeçari dha dorëheqjen si anëtar i familjes mbretërore në vitin 2019, pas një interviste në Newsnight në lidhje me Jeffrey Epstein. Princit më vonë iu hoqën titujt e tij ushtarakë.
Mbretëresha do të qëndrojë në Westminster Hall deri në funeralin e saj të hënën. Radha për të parë arkivolin shtrihet deri në parkun Southwark. Zyrtarët kanë thënë se nëse parku arrin kapacitetin, hyrja do të ndërpritet.
Më tej, një ekran LED paralajmëron njerëzit se sa kohë duhet të presin.
Këtë të shtunë mbreti u takua me krerët e forcave të armatosura në Buckingham Palace dhe vizitoi selinë e Policisë Metropolitane, Neë Scotland Yard.
Më pas ai shkoi në Urën Lambeth, së bashku me Princin William për të përshëndetur ata që ishin në radhë.
Në Blackpool, ndriçimet e kullave, të cilat u ndryshuan në të kuqe, të bardhë dhe blu për periudhën e zisë, do të fiken në orën 20:00 të së dielës, kur do të mbahet një heshtje kombëtare.
