Princi William do t’i nënshtrohet testeve mjekësore pas vdekjes së ish-instruktorit të tij ushtarak të fluturimit, rreshterit Zach Stubbings, i cili ndërroi jetë në moshën 47-vjeçare pas një beteje të gjatë me mielomën e shumëfishtë, një kancer që prek gjakun dhe palcën e kockave.
Stubbings, i cili e kishte trajnuar princin gjatë shërbimit të tij në RAF Valley në vitet 2010-2013, vdiq pas një beteje 10-vjeçare me sëmundjen e rëndë.
Vdekja e Stubbings ka ngritur shqetësime për rreziqet shëndetësore të lidhura me ekspozimin ndaj tymrave toksikë të shkarkuar nga helikopterët ushtarakë, përfshirë avionin Sea King që princi William e kishte pilotuar gjatë shërbimit të tij.
Shqetësimi vjen në një kohë kur familja mbretërore është përballur me dy raste të kancerit, pasi mbreti Charles dhe princesha Kate janë duke u trajtuar për sëmundjen. Kate ka zbuluar se ajo është duke u përmirësuar pas gjashtë muajve të kimioterapisë.
