Princesha Charlotte nis shkollën, William dhe Kate i ndryshojnë emrin për këtë shkak

Vajza e Kate Middleton dhe Princ William, Princesha Charlotte pritet të nisë ditën e nesërme shkollën fillore në ‘St. Thomas’s Battersea’. Sipas burimeve për ‘Cosmopolitan’ vogëlushja do të ketë një emër të ri për t’iu përshtatur rrethit të shokëve ku do të gjendet.
Emri i saj i plotë është Charlotte Elizabeth Diana dhe njihet me titullin e princeshës, megjithatë e vogla nuk do ta përdorë këtë pjesë në shkollë. Ajo do të njihet nga të gjithë si Charlotte Cambridge pa shtuar asnjë detaj tjetër.
Nuk dihet se përse çifti mbretëror ka marrë këtë vendim për vajzën e tyre, megjithatë këtë pritet ta zbulojnë vetë ata në javët në vazhdim./revistawho.com