Princi Charles më 18 mars në Kosovë, bashkë me të dhe Rita Ora 

Këngëtarja e njohur me origjinë kosovare Rita Ora, do të shoqërojë Princin Charles dhe Dukeshën Cornwall në vizitën e tyre në Kosovë që do të nisë më 18 mars. Kjo vizitë është në kuadër të vizitës ballkanike të Oborrit Mbretëror në Ballkan, shkruan “Panorama”. Disa ditë më parë Princi Charles kishte publikuar një fotografi në “Twitter” ku shihet teksa takohet me këngëtaren Rita Ora. “Rita Ora i uron Hirësisë së Tij Mbretërore një udhëtim rë sigurt në Kosovë gjatë takimit në ceremoninë e ndarjes së çmimeve të fondacionit mbretëror ‘Prince’s Trust’, kishte shkruar Charles në llogarinë e tij. Një fotografi të tillë kishte postuar edhe vetë këngëtarja kosovare muaj më parë, kur Presidentja e vendit Atifete Jahjaga e kishte shpallur Ambasadore Nderi e Kosovës. Nuk dihet ende nëse Rita do të ketë të njëjtën axhendë takimesh me Princin.