Princi George po edukohet nga prindërit e tij me idenë se një ditë do të marrë përsipër detyra të larta. Ai është djali i parë i trashëgimtarit të fronit britanik Princ William dhe i dyti në linjën e pasardhësve të Mbretërisë së Bashkuar, i cili duket se ka një ndjesi të plotë të statusit të tij dhe rolit të tij të ardhshëm.
Djali i madh i princ Williamit, sipas ekspertes mbretërore Katie Nicholl, foli me shokët e klasës për familjen e tij dhe u dha atyre këshilla. “Babai im do të bëhet mbret, kështu që kini kujdes”, ka thënë ai.
Sipas ekspertes, George ka mësuar se edhe ai do të bëhet mbret. Megjithatë prindërit e tij përpiqen të mos e ngarkojnë me përgjegjësi, ndonëse të tre fëmijët i rrisin me ndjenjën e detyrës. Ai mësoi se do të bëhej mbret në moshën 7-vjeçare.
