Javën e kaluar Princi Harry dhe Meghan Markle dhanë për publikun lajmin e bukur se së shpejti do të bëhen prindër për herë të parë. Ky lajm u përhap shumë shpejt dhe të gjitha mediat flasin për pritjen e ëmbël të dukeshës. Momentalisht çifti ndodhet në Australi dhe në daljet e tyre nuk mund të mungojnë pyetjet për fëmijën. Së fundmi pyetur nga fansat për gjininë e fëmijës, princi zbuloi se do të dëshironte shumë të kishte një vajzë.
Kjo është hera e dytë që Harry flet për gjininë femërore, pasi pak ditë më parë tregoi se emri Harriet do të ishte shumë i përshtatshëm për fëmijën. Ndoshta me këto fjalë ai është duke na treguar se Meghan është në pritje të një vajze./revistawho.com
