Princi Harry nëpërmjet një deklarate të jashtëzakonshme ka sulmuar të gjitha ato media që janë treguar racist me komente ndaj të dashurës së tij të re, aktores Meghan Markle. Ai paralajmëroi se pas shkrimeve të publikuara ka frik për sigurinë e saj. “është kapërcyer çdo lloj limiti”- është shprehur ai për mediat që kanë pasqyruar marrëdhënien e tij më 35 vjeçaren që jeton në Toronto. “Shpifje në faqet e para të gazetave ndërkombëtare, komente raciste dhe seksizëm i plotë, madje edhe talljet në rrjete sociale, kanë qenë të tepërta”-ka deklaruar zëdhënësi i tij. Nëpërmjet kësaj deklarate është konfirmuar për herë të parë lidhja e dyshes.
