Dukesha Kate Middleton ka treguar shpesh se ka aftësi të shkëlqyera në fotografi, por mesa duket ajo nuk është e vetmja në familjen mbretërore. Ditën e sotme, Princ Harry ka ndarë në profilin e ‘Instagram-it’ disa foto nga jeta e egër, duke zbuluar se është talent në fotografi. Fotografitë ai i ka shkrepur në vite të ndryshme dhe i ka publikuar për të rritur ndërgjegjësimin për mbrojtjen e mjedisit dhe të Tokës. Në njërën prej fotove ai shfaqet përkrah Meghan Markle në një pyll gjatë kohës që vizituan Zelandën e Re. Përkrah imazheve të publikuara, Harry ka dhënë një mesazh shumë të rëndësishëm për të gjithë njerëzit, duke qenë se 22 prilli njihet edhe si ‘Dita e Tokës’. Në fotografitë e Princit Harry përfshihet një rinoqeront, një luan shkretëtire, balena etj.
https://www.instagram.com/p/Bwj2roEBbwL/?utm_source=ig_embed
Çifti mbretëror, Harry dhe Meghan, që së shpejti presin të bëhen prindër për herë të parë, kanë treguar më shumë për pasionet e tyre që kur kanë krijuar llogarinë e tyre personale në ‘Instagram’. /revistawho.com
