Le të zbulojmë më shumë dhe pse jo, të mësojmë dhe ne diçka nga këto kombe të lumtura. Studime të viteve të fundit mbi lumturinë në rang global kanë treguar se Danimarka, Norvegjia dhe Suedia janë shtetet më të lumtura në botë. Skandinavët ndjekin një sërë rregullash falë të cilave e shijojnë jetën çdo ditë.
1. Modestia dhe respekti për të tjerët
Në vendet nordike ekziston Ligji i Jantës, një set rregullash që definojnë sjelljen në raportet midis individëve.
-Ju nuk duhet të mendoni se keni diçka të veçantë.
-Ju nuk duhet të mendoni se jeni më i mirë se të tjerët.
-Ju nuk duhet të mendoni se jeni më i zgjuar se të tjerët.
-Ju nuk duhet të bindni veten se jeni më i miri.
-Ju nuk duhet të mendoni se dini më shumë se të tjerët.
-Ju nuk duhet të mendoni se jeni më i rëndësishëm se të tjerët.
-Ju nuk duhet të mendoni se bëni gjithçka mirë.
-Nuk duhet të qeshni me të tjerët. -Nuk duhet të mendoni se dikush interesohet shumë për ju.
-Nuk duhet të mendoni se mund t’ju mësoni çdo gjë të tjerëve.
2. Balancimi i jetës në punë dhe familje
Skandinavët e dinë sa e rëndësishme është të ndash kohë me familjen. Shumica e zyrave në Danimarkë mbyllen në orën 17.00. Gjithashtu, danezët nuk punojnë kurrë me orë shtesë. Në Suedi, madje, disa kompani, kanë shkuar më tej duke e bërë orarin e punës 6 orë për të rritur produktivitetin dhe lumturinë. Familjet shkojnë shpesh në park, bëjnë sporte dhe udhëtojnë me prindërit.
3. Bashkime familjare në vatër Në Danimarkë, ekziston një fjalë e mrekullueshme që nënkupton krijimin e një atmosfere të qetë dhe të shijuarit e gjërave të mira në jetë me miqtë dhe të afërmit: ‘hygge’. Të ulesh pranë zjarrit në një natë të ftohtë, të veshësh një pulovër të ngrohtë, të pish verë dhe të hash gjëra të shijshme. Kjo është padiskutim një “hygge” dhe është diçka që çdokush mund ta provojë dhe të përfitojë prej saj. “Hygge” lidhet me solidaritetin, komfortin, mbështetjen dhe vëmendjen nga të afërmit dhe të dashurit tuaj.
4.Pritshmëri realiste Në librin e saj “Happy as a Dane”, Malene Rydalh diskuton çelësat e lumturisë së Skandinavëve. Një nga sekretet më të rëndësishme për të jetuar një jetë të lumtur është aftësia për të formuluar pritshmëri realiste: por mos ndaloni së ëndërruari dhe së vendosuri qëllime ambicioze. Do të zbuloni që miqtë dhe të afërmit do t’ju surprizojnë më shpesh. Të krahasoni veten me të tjerët nuk do t’ju ndihmojë të jeni edhe ju të lumtur. Ne tentojmë të krahasojmë jetën tonë me të atyre që e shfaqin në mediat sociale. Gjithsesi, këto trende krahasuese tentojnë të ndikojnë në të mos qenit të lumtur. Mjaft i matët arritjet tuaja duke i krahasuar me të tjerët’ dhe shijoni atë që keni.
Burimi: ikub.al
