Zaimina Vasjari dhe Rezarta Shkurta janë njohur gjithnjë si dy mikesha shumë të mira të showbiz-it shqiptar. Me kohën ato e kanë treguar me gjeste të ndryshmë se janë gati si motra. Dy këngëtaret simpatike, kanë publikuar për një periudhë të gjatë imazhe ku tregohej se shpenzonin shumë kohë krahë njëra-tjetrës.
Por nuk kanë munguar as dhuratat dhe dedikimet speciale… Mjafton të kujtojmë se Rezarta befasoi Zaiminën në ditëlindjen e saj të 30-të me një buqetë të stërmadhe trëndafilash të kuq dhe me një dedikim shumë prekës, që bëri xhiron e rrjetit këtë qershor.
Por, prej shtatorit kanë nisur aludimet për një krisje të miqësisë. Ajo që çfarë është vënë re, është se dy mikeshat nuk e ndjekin më njëra-tjetrën në ‘instagram’, ndonëse vetë Rezarta e mohoi këtë krisje duke thënë se shihen përditë, nuk kanë nevojë të shihen edhe në instagram.
Dyshimet shtohen edhe më shumë së fundmi, sepse është vënë re që në festën e babyshower, të organizuar nga Zaimina për vogëlushen e saj Khloe, që pritet të vijë së shpejti në jetë, mungonte Rezarta.
Çfarë ka ndodhur mes tyre? Vetëm ato të dyja mund të na e zbulojnë. / revistawho.com
