Fero duket se po kalon një nga periudhat më domethënëse të jetës së tij, duke hapur një kapitull të ri larg syrit të publikut. Sipas burimeve pranë Prive, artisti është bërë baba për herë të dytë, një lajm që ai ka zgjedhur ta mbajë plotësisht privat.
Pas ndarjes nga ish-bashkëshortja Arbenita Ismajli, me të cilën ka vajzën Nina, Fero kishte nisur një lidhje me një vajzë jashtë botës së showbiz-it, e njohur si Nita. Mungesa e tyre e fundit në rrjetet sociale kishte ngritur dyshime për një krizë në çift, por duket se arsyeja ka qenë krejt tjetër: ata kanë përjetuar në qetësi ardhjen në jetë të fëmijës së tyre.
Ndërsa në jetën personale ka zgjedhur diskrecion të plotë, në planin profesional reperi ka vendosur të jetë më i hapur. Përmes një postimi në InstaStory, ai ka folur për sfidat e vitit të fundit, duke përmendur lodhjen, angazhimet intensive në turne dhe përballjet me çështje ligjore si arsyet e mungesës së projekteve të reja muzikore.
Megjithatë, Fero ka qetësuar fansat duke paralajmëruar një rikthim të afërt dhe më të fuqishëm. Ai ka zbuluar se po përgatit një strategji të re, ku synon të publikojë një këngë çdo dy javë. Me një familje të zgjeruar dhe plane të reja artistike, kjo periudhë pritet të shënojë një kthesë të rëndësishme në karrierën e tij.
