I ftuar në emisionin Verissimo, Gabriel Garko ka surprizuar Silvia Toffanin dhe publikun e Canale 5 me një rrëfim të papritur: ai është martuar prej dy vitesh. Duke treguar unazën, aktori shpjegoi se kishte zgjedhur të ruante heshtjen për të mbrojtur jetën e tij private.
“U martova dy vite më parë. Jeta ime publike ka qenë një fiction, ndërsa historitë e vërteta i kam mbajtur për vete”, u shpreh ai, duke theksuar se privatësia ka qenë gjithmonë thelbësore për të. Pikërisht për këtë arsye, ceremonia u organizua larg vëmendjes mediatike, pa lënë asnjë gjurmë.
Dasma u zhvillua më 2 dhjetor, dy vite më parë, në një rreth tepër intim. “Ishim vetëm katër persona, nuk ia tregova askujt”, tregoi Garko. Bashkëshorti i tij quhet Giorgio dhe, siç theksoi aktori, të dy janë shumë të rezervuar.
Një rrëfim i sinqertë dhe i natyrshëm, që pasqyron zgjedhjen për ta jetuar dashurinë larg zhurmës së medias.
