Heidi Baçi rrëfeu në një intervistë ekskluzive për revistën “Who”, gjithçka që po ndodh me jetën e saj këto kohë. Nga “Grande Fratello” në “Big Brother VIP Albania”, më pas në “Goca dhe Gra” dhe në fund eksperienca në të cilën e ka gjetur veten më së miri “Big Brother Fan Club”. Në një rrugëtim televiziv të bukur, të vështirë, të veçantë, Heidi na zbuloi edhe një pasion të sajin, poezinë.
“Nuk e di sa e fshehtë mund të quhet pasioni im për poezinë dhe shkrimin. Është si terapi për mua dhe një nga gjërat që shijoj të bëj më së shumti. Herë pas here i ndaj edhe me ndjekësit. Une shkruaj në italisht ne fakt, po ata gjithmonë i përshtasin perfekt edhe në shqip”, tha Heidi mes të tjerash.
Në poezi je ti, ndjenjat, historitë e tua? Apo jo gjithnjë qasja është kaq personale?
Patjetër që ka poezi ku jam unë, ndjesitë dhe përjetimet e mia. Ashtu sikurse ka edhe poezi për të cilat jam frymëzuar nga ngjarje dhe histori të tjera, të para sipas këndvështrimit tim. Por gjithsesi poezia është art, më pëlqen që çdo lexues e interpreton sipas botës së vet.
Ke menduar të shkruash prozë? P.sh. një libër për përvojat që të ndryshuan mund të kishte interes?
E kam menduar edhe prozën, por shpirti më rreh te poezia, pavarësisht se në disa raste është edhe poezi prozaike ajo që unë shkruaj. Por nëse do bëja ndonjë ditë një libër tjetër përpos poezisë, do ishte padyshim një libër fantazi. Më pëlqen të krijoj botë të reja. Më intrigon shumë dhe do jetë te lista e gjërave që do bëj në të ardhmen.
Por duket se libri me poezi është thuajse gati dhe ne do ta kemi në duar shumë shpejt. Ndaj prisni edhe pak për t’u zhytur në botën e Heidit.
