Donald Veshaj ka prezantuar projektin e tij më të ri me një titull që tingëllon si paralajmërim: “Prit ta mbaroj”. Në promon e publikuar në rrjet, vëllai i tij Romeo Veshaj shkruan qartë:
““PRIT TA MBAROJ” se shpejti… në @xmedia.al @donaldveshaj 🤗”, duke konfirmuar se rikthimi i Donaldit nuk do të jetë në ekranin klasik televiziv, por në platformën digjitale dhe radiofonike X Media.
Sipas informacionit të publikuar, “Prit ta mbaroj” titullohet projekti që do të rikthejë Donaldin në një format të ri, ndërsa ende mbetet e paqartë nëse krah tij do të jetë edhe Romeo. Forma përfundimtare e produksionit nuk është zbuluar, por nga promoja, e cila na rikujton performancën e bujshme të Bad Bunny në Super Bowl 2026, dallohen elementë të rinj dhe referenca ndaj politikës, çka ka shtuar spekulimet se mund të kemi një program me tone debati, në frymën e “Më lër të flas”.
X Media prezantohet si një media multifunksionale që do të operojë paralelisht në disa kanale si, aplikacion, website, rrjete sociale dhe radio, duke synuar një qasje moderne ndaj përmbajtjes mediatike. Mister mbetet data e nisjes së transmetimit, por një gjë është e qartë, me “Prit ta mbaroj”, Donald Veshaj po teston një terren të ri, larg kornizës tradicionale dhe më pranë modelit digjital që po dominon tregun ndërkombëtar të medias.
