Mungesa e Nick Jonas dhe Priyanka Chopra në “MTV VMA’s” u vu re nga të gjithë, por duket se në vend të paraqitjes së tyre në event, çifti ka vendosur të marrë pjesë në festën “Villa One New York” për të celebruar tekilën e re “Villa One” e sjellë nga Nick në bashkëpunim me John Varvatos. Priyanka kishte vendosur të vishte një xhaketë-fustan në ngjyrë të bardhë, që e bënte atë të dukej tepër elegante, kombinuar me një çantë të bardhë dhe një palë sandale. Nick nga ana tjetër kishte zgjedhur ngjyrën blu të errët për veshjen e tij, me një këmishe me kuadrata. Si gjithmonë, ata kanë tërhequr vëmendjen e të gjithë të pranishmeve me ‘look-un’ e tyre dhe sipas “Cosmopolitan”, Nick dhe Priyanka ishin çifti i veshur më bukur. Këngëtari dhe aktorja i dhanë fund beqarisë pak kohë më parë në një dasmë që zgjati 1 javë dhe që nga ajo kohë ata kanë qenë të pandashëm. Në projektet e reja, Jonas dhe Chopra janë mbështetja më e madhe e njëri-tjetrit./revistawho.com
