Probleme me lëkurën? Zbuloni disa nga maskat që mund t’i përgatisni në kushte shtëpie

Ja disa maska për kujdesin ndaj fytyrës në kushte shtëpie.
1. Marrim 1 lugë çaji kos, 1 lugë çaji vaj ulliri, ½ lugë çaji sodë dhe 5 pika lëng limoni.
Përzjeni mirë të gjithë përbërsit sipër dhe vendosini në fytyrë për rreth 15 minuta, më pas hiqeni maskën duke i bërë pak sekonda masazh butësisht dhe më pas shpëlajeni me ujë të ftohtë.
Kjo maskë heq pikat e zeza në fytyrë dhe e lë atë të pastër dhe të butë dhe te hidratuar.
2. Marrim 1 lugë kos, 2 lugë tërshëre, 1 e bardhë veze dhe disa pika lëng limoni.
I përzjeni mirë ingredientët me njëri-tjetrin duke krijuar një pastë sa më të njëtrajtshme. Aplikojeni ne gjithë fytyrën dhe mbajeni për 10-15 minuta. Aplikimin shoqërojeni me një masazh për 30 sekonda dhe më pas lëreni të veprojë për 10-15 minuta.
Kjo maskë vepron në thellësi dhe ndihmon në rigjenerimin e lëkurës.
3. Marrim 1 lugë sheqer, 1 lugë kafe, 4-5 pika limon dhe 1 lugë mjaltë.
Përzjeni mirë të gjithë përbërsit më sipër dhe vendosini në fytyrë për rreth 10 minuta, më pas hiqeni maskën duke i bërë pak sekonda masazh butësisht dhe më pas shpëlajeni me ujë te ftohtë.
Kjo maskë heq pikat e zeza , papastërtitë e akumuluara në fytyrë dhe e lë atë të pastër dhe të butë si një bebe.