Probleme në serialin “Si ta quaj këtë dashuri”, çifti i dashur Akash dhe Payal braktisin punën!

Fansat janë stresuar që në momentin e parë kur u dëgjuan fjalët se Barun Sobti do të tërhiqej për një kohë të papërcaktuar nga aktrimi. Ndërsa lajmi tani është se nga seriali do të largohet Akshay Dogra. Gruaja e tij në skenë Deepali Pansare gjithashtu pritet të largohet. Çifti shumë i pëlqyer Akash Singh Raizada dhe Payal Raizada mendohet se do të ikin jashtë shtetit me pretekst pune. Lajmi u konfirmua nga vetë aktori: “Po, do të largohem nga shfaqja. Jam pak i emocionuar pasi të gjithë në staf janë bërë si familje. Do të jetë e vështirë të mos i shikosh më përditë”. Ndërkohë Depali Pensare shtoi: “Po, do të largohemi. Të dy personazhet tanë do të ikin jashtë shtetit. Për më shumë duhet të ndiqni serialin. Në fakt ka qenë dëshira ime për t’u larguar, sepse dua të marr role të reja në të cilat mund të eksploroj më shumë me veten dhe potencialin tim”. Aktorja pati një rol kyç si motra e madhe e Kushit, gjithmonë e pjekur dhe e mençur./ revistawho.com