Marrëdhënia e Eglit dhe Gjestit u diskutua me panelin e të ftuarve në emisionin “Ftesë në 5”, me Bieta Sulo. I ftuar ishte producenti i njohur, Eduard Deda, i cili u shpreh se i vjen keq për Eglin, pasi sipas tij ajo është mashtruar në këtë marrëdhënie.
Producenti shprehet se Egli është e afeksionuar pas Gjestit dhe se ishte ajo që i dha fitoren.
“Mua më vjen shumë keq për këtë vajzë, e cila realisht është mashtruar në këtë marrëdhënie. Ajo i ka dhënë fitoren dhe gjithë vëmendjen e mundshme këtij djali. U kujdes për këtë djalë maksimalisht, tregoi që vërtetë e donte. Mendoj që ajo vajza është e afeksionuar pas atij djali, por është viktimë e ndjenjës së vet”, tha Deda.
